मी तसाच बरा होतो....वठलेला
कशाला धुमारे फोडलेस?
आता आशेचे कोंब येतील
स्वप्नांच्या कळ्या होतील
नकोच ते,मी तसाच बरा होतो...गोठलेला
मग मोहाची फुलपाखरे येतील
येता जाता रंग उधळतील
नकोच ते,मी तसाच बरा होतो...साठलेला
पावसात अंगावर शहारा येईल
मन चिंब चिंब धारा होईल
अम्म..नकोच ते,मी तसाच बरा होतो..दाटलेला
नको ते धुमारे नको ते शहारे
नको धुंद वारे नको ते पिसारे
नको च ,राहू दे ना तसाच .. आटलेला
No comments:
Post a Comment