चांदण्यांच्या पावलांनी, तू असे घरट्यात यावे
चिमुकल्या ओठातल्या,हासण्याने घर भरावे...
सौख्य यावे ,दुःख जावे
वेदनांचे गीत व्हावे
बोबड्या बोलातूनी तू, आमुच्या कानी घुमावे...
मृत्तिकेला गंध यावे
स्पंदनांना छंद यावे
इंद्रचापाच्या परी तू , ह्या घराला रंग द्यावे..
घास द्यावे,ध्यास द्यावे
आमुचेही श्वास द्यावे
पारिजाताच्या परी तू, जीवनी या घमघमावे..
तू निजावे,आम्ही जागावे
स्वप्न तुझे, आम्ही बघावे
घे भरारी तू अशी की, या नभाचे पंख व्हावे..
चांदण्यांच्या पावलांनी, तू असे घरट्यात यावे....
-आई बाबा
चिमुकल्या ओठातल्या,हासण्याने घर भरावे...
सौख्य यावे ,दुःख जावे
वेदनांचे गीत व्हावे
बोबड्या बोलातूनी तू, आमुच्या कानी घुमावे...
मृत्तिकेला गंध यावे
स्पंदनांना छंद यावे
इंद्रचापाच्या परी तू , ह्या घराला रंग द्यावे..
घास द्यावे,ध्यास द्यावे
आमुचेही श्वास द्यावे
पारिजाताच्या परी तू, जीवनी या घमघमावे..
तू निजावे,आम्ही जागावे
स्वप्न तुझे, आम्ही बघावे
घे भरारी तू अशी की, या नभाचे पंख व्हावे..
चांदण्यांच्या पावलांनी, तू असे घरट्यात यावे....
-आई बाबा
